Khua dêh čar ơi Phạm Minh Chính tŭ jum Khua čih pioh khul ngă hrŏm hăng pơđĭ kyar bơwih ƀong huă Mathias Cormann
Thứ bảy, 08:56, 28/10/2023
VOV/Siu Đoan Pơblang
VOV/Siu Đoan Pơblang
VOV4.Jarai - Tlam lơ 27/10, Khua dêh čar ơi Phạm Minh Chính tŭ jum khua čih pioh khul ngă hrŏm hăng pơđĭ kyar bơwih ƀong huă (OECD) Mathias Cormann ƀrô tal nao jơnum Khua ding jum OECD-Đông Nam Á hăng hơdôm bruă mă lơm ngă khua git gai hrŏm jơlan hơdră Đông Nam Á (SEARP) mơng OECD thun 2023 hơmâo pơphun tal dua mơtăm ƀơi Hà Nội.
Lăng yôm tơlơi rô nao rai hiam klă kơplah wah Việt Nam hăng OECD, Khua dêh čar rơkâo dua bơnah pơtrut tơlơi rô nao rai ngă hrŏm, sit nik, tŭ yua ƀiă dong. Khua dêh čar ơi Phạm Minh Chính lăi pơthâo jơlan gah pơđĭ kyar sui thun mơng Việt Nam, lăi pơtong hơdôm tơlơi đing nao mơng Việt Nam pơ anăp anai, hơmâo pơtrut 3 mơta hrưn đĭ yôm wŏt hơdră, abih anom hăng mơnuih mă bruă; hơkrŭ glăi hơdôm bruă kiăng pơđĭ kyar anun lĕ (sĭ mơdrô pơ tač rơngiao, tuh pơ alin, blơi gơnam) laih dong pơtrut hơdôm bruă pơđĭ kyar phrâo anun lĕ bơwih ƀong mơtah, pơplih yua boh thâo phrâo, bơwih ƀong tô nao rai, ƀiă hơƀak jak, bơwih ƀong rơgơi.
Viết bình luận