Ƀơi mông tŭ jum, Khua dêh čar ơi Phạm Minh Chính lăi pơtong, Việt Nam lăng yôm hăng kơtưn ngă hrom hlom bom hăng dêh čar Bulgium, ăt kah hăng djop ala čar amăng dêh čar Bulgium; bơni biă mă tal rai čuă jơmư Việt Nam mơ̆ng Khua ding jum, khua ala čar Flanders hrŏm hăng grup hơmâo 30 čô khua mua, ƀing ngă bruă sĭ mơdrô pơprong hơmâo mă bruă hăng djop ding jum anom bruă, tơring čar ƀơi Việt Nam.

Khua dêh čar ơi Phạm Minh Chính rơkâo Khua ding jum-khua ala čar Flanders ăt đing rai kơ bruă ngă giăng mah pŭ ƀăn hăng Việt Nam, biă mă ñu bruă ngă hrŏm bơwih ƀong huă, sĭ mơdrô, tuh pơ alin, djru hrŏm ngă kjăp tui tơlơi rô nao rai Việt Nam-Bulgium. Dua bơnah tŭ ư kơtưn bruă ngă hrŏm gah đang hmua hơđong kjăp, tuh pơ alin man pơkra, kuăi hnoh ia ngă jơlan rô nao rai amăng jơlan ia; kơsem min čih pơkra tơlơi phiăn mă bruă phrâo plah wah kual Flanders hăng hơdôm tơring čar amăng Việt Nam pioh pơđĭ tui boh tŭ yua, ba glăi boh tơhnal hiam klă ngă hrŏm Việt Nam hăng Bulgium