Tlam lơ 11/11, ƀơi sang bruă kơnuk kơna, Khua dêh čar ơi Phạm Minh Chính tŭ jum Khua ding jum Bruă mă hăng Anŏ tŭ yua ană plơi dêh čar Lao, ơi Phosay Sayasone. Khua dêh čar pơdah rai pran jua mơak ƀuh tơlơi ngă giăng mah ngă hrŏm plah wah Việt Nam hăng Lao ăt tong ten, hơđong kơjăp lơ̆m tơlơi pơhing amăng kual hăng ƀơi rŏng lŏn tơnah hơmâo lu tơlơi rung răng.

Khua dêh čar lăi pơtong Việt Nam amra hrŏm hơbit, djru đut tơhnal tui hăng tơlơi dưi thâo hơmâo mơ̆ng pô kiăng pơtrut dêh čar Lao dưi hơđong hăng pơđĭ kyar kơjăp.

Ƀơi mông tŭ jum, Khua dêh čar ta rơkâo dua bơnah Ding jum ngă hrŏm, pơtum kơsem min dăp hơdră anăp či ngă hrŏm gah bruă mă hăng djru ba mơnuih ngă hơkrŭ, djơ̆ găl hăng bruă ngă ră anai. Tui hăng anun, dua bơnah hơmâo kĭ pơkôl ngă hrŏm kiăng pok pơhrư prong tui boh yom phun či ngă hrŏm, pơtrut kah pơpha tơlơi pơhing tơdruă, tơlơi thâo thăi wai lăng hăng pơtom hiăp.