Khua dêh čar ơi Phạm Minh Chính hok mơ-ak lơ̆m yă Penny Wong tal dua rai čuă Việt Nam lơ̆m ñu ngă Khua ding jum pơtom hiăp Australia; kơnang kơ hơdôm tal čuă jơmư truh kih phrâo rơgao mơ̆ng Khua mua dêh čar Australia, tal rai čuă mơ̆ng Khua ding jum pơtom hiăp amra gum djă bong, pơtrut tui tơlơi rô nao rai ngă gŏp yôm kơplah wah Việt Nam hăng Australia glăk pơđĭ kyar kơtang amăng thun 2 boh dêh čar ngă lơphet 50 thun hrơi akŏ pơjing tơlơi rô nao rai pơtom hiăp (1973-2023).

Khua dêh čar ơi Phạm Minh Chính lăi, dua boh dêh čar kiăng ngă hrŏm bruă pơtô hrăm, mă bruă, ngui ngor boh thâo, bơbưp mơnuih ƀôn sang, pơsur anom bơwih ƀong dua boh dêh čar pok prong tuh pơ alin amăng bruă mơ̆ dua bơnah dưi ngă hloh; laih dong ngă hrŏm amăng bruă phrâo kah hăng pơgang ayuh hyiăng pơplih, pơkra apui yua, pơđĭ kyar mơtah, bơwih ƀong mrô, pơplih phrâo mrô...