Amăng mông bưp, Khua ding jum tơhan polih Nga pơsit tong, Việt nam lêng kơ đing nao hơdră pơtom hiăp mơng Nga; čang rơmang tŏ tui ngă dơlăm tui, sit nik, tŭ yua ƀiă dong tơlơi rô nao rai ngă hrŏm djop mơta kơplah wah Nga-Việt Nam, sit biă ñu amăng bruă kơđi čar, bơwih ƀong huă, sĭ mơdrô, pơbưp nao rai mơnuih ƀon sang, tuai čuă ngui, pơlăi nao rai tơlơi găn rơgao, pơtô mơnuih mă bruă.

Khua dêh čar rơkâo Nga gum hrŏm hăng Việt Nam kiăng pơtrut ƀiă dong hơdôm bruă sĭ mơdrô, tuh pơ alin, pơsir hĭ rơnoh pơhrŏ amăng sĭ mơdrô dua bơnah; ngă hră visa điện tử brơi mơnuih ƀon sang Việt Nam; pơsir hĭ hơdôm bruă djơ̆ tơlơi phiăn, ngă gêh gal brơi mơnuih ƀon sang Việt Nam glăk dŏ hơdip, mă bruă, hrăm hră ƀơi dêh čar Nga.