Ƀơi mông tŭ jum, Khua dêh čar ơi Phạm Minh Chính pơdah pran jua hok mơak lơ̆m ƀuh tơlơi rô nao rai dua bơnah hơmâo lu boh tơhnal klă hiam. Dêh čar Bulgium hơmâo anăn amăng khul ngă hrŏm sĭ mơdrô mrô sa mơ̆ng Việt Nam amăng kual EU hăng Việt Nam lĕ bơnah sĭ mơdrô prong hloh mơ̆ng dêh čar Bulgium amăng kual ASEAN; bruă ngă hrŏm dua bơnah anom bruă pơ ala mơnuih ƀôn sang Việt Nam hăng Bulgium hơmâo sa yak pơđĭ kyar phrâo.

Pơ anăp anai, Khua dêh čar rơkâo dua bơnah ăt kơtưn pơtruh nao rai grup khua mua lu gưl čuă jơmư tơdruă; pơtrut ngă hrŏm bơwih ƀong huă, sĭ mơdrô tuh pơ alin, kơtưn ba rơnoh prăk sĭ mơdrô dua bơnah hơmâo 7 klai USD amăng hơdôm thun pơ anăp anai. Khua gơnong dlông pơ ala mơnuih ƀôn sang dêh čar Bulgium lăi, dêh čar Bulgium amra pơtrut bruă ngă pŭ ƀăn Việt Nam-Bulgium pơđĭ kyar tui prong, kjăp, tong ten hăng lu bruă mă, hơdră bruă, kơčăo bruă rơđah rơđong, amăng anun hơmâo bruă mơ̆ Khua dêh čar lăi nao laih pơblih phrâo ia rơgơi tơlơi kơhnâo thâo pơčeh kơ bruă mă, pơđĭ kyar sĭ mơdrô, lir hơbit rơnoh ba yua gơnam sĭ mơdrô hăng djru kơ ƀing ruă nuă djơ̆ jrao hret dioxin Việt Nam.