Hok mơ-ak lơm bưp ơi Klaus Zellmer, tơdơi kơ mông mă bruă amăng blan 1 rơgao ƀrô tal nao čuă sit nik dêh čar Czech mơng Khua dêh čar, Khua dêh čar ơi Phạm Minh Chính pơpŭ sang măi pơkra rơdêh ôtô Thành Công Việt Hưng sit nik pok, kơđŏm glăi tơlơi yak nao tong ten amăng bruă ngă hrŏm kơplah wah Việt Nam hăng dêh čar Czech, sit biă ñu lĕ tơdơi kơ dua boh dêh čar tŭ ư hrưn đĭ tơlơi rô nao rao ngă hrŏm yôm phăn.

Pơsit tong kơnuk kơna Việt Nam ƀuăn lêng kơ gum hrŏm, djru nao rai hăng anom bơwih ƀong, pơhlôm brơi hơdôm anom bơwih ƀong sĭ mơdrô ngă djơ̆ tơlơi phiăn, ngă bruă klă, tŭ yua; amra hmư̆ tơlơi pơgôp hiăp, kơtưn thâo hluh tơdruă, ba glăi tŭ yua amăng ngă hrŏm, Khua dêh čar ơi Phạm Minh Chính rơkâo grup Skoda Auto kơtưn hăng pok prong tuh pơ alin, bơwih ƀong sĭ mơdrô hăng ngă hrŏm hăng hơdôm anom bơwih ƀong ƀơi Việt Nam amăng bruă pơkra pơjing rơdêh ôtô; pơđĭ kyar anih anom pơkra rơdêh ôtô ƀơi Việt Nam.