Dua čô khua pơsit, Việt Nam hăng Nam Phi jing gơyut gơyâo jê̆ giăm, đăo kơnang biă, dưi djru nao rai pơđĭ kyar, biă ñu amăng bruă pơplih mơtah mơda, boh thâo mrô, pơkra apui lơtrik phrâo hăng boh thâo ia rơgơi phrâo.

Khua dêh čar ơi Phạm Minh Chính lăi pơtŏng Việt Nam amra gum pơgôp kơ tơlơi ngă hrŏm Nam - Nam, hrŏm hăng Nam Phi pơtrut ngă hơdôm bruă kiăng ngă hlâo kah hăng hrŏ trun ƀun rin, pơhlôm braih apiăng, pơđĭ kyar kjăp. Khua mir sir dêh čar Nam Phi kiăng pơđĭ tui pơtruh anom bơwih ƀong dua bơnah amăng bruă mă yua pơtâo čuah, mơnŏng yom amăng lăm lŏn, pơkra măi mok, ngă hmua hăng rơdêh ôtô đuăi hăng apui lơtrik. Dua bơnah tŭ ư kiăng tañ ngă giong hră pơ-ar đah mơ̆ng pơđĭ tui tơlơi rô nao rai ngă gŏp yom amăng thun 2025, anăp nao tơlơi jê̆ giăm ngă gru kơplah wah hơdôm boh dêh čar glăk đĭ kyar.