Khua dêh čar ơi Phạm Minh Chính hok mơ-ak čơkă Khua mir sir Mông Cổ Khurelsukh, lăng yôm tal rai čuă anai pơphun hlâo kơ tal hơdor glăi 70 thun akŏ pơjing tơlơi rô nao rai pơtom hiăp amăng thun 2024 hăng ba tơlơi rô nao rai giang mah dua bơnah jai hiam klă ƀiă, sit nik, tŭ yua.

Dua bơnah hơmâo pơlăi nao rai hơdôm hơdră tong ten kiăng kơtưn ngă hrŏm sit nik, tŭ yua ƀiă dong amăng djop mơta bruă, lăp djơ̆ hăng tơlơi gal, tơlơi kiăng mơng dua bơnah, djơ̆ hăng tơlơi rô nao rai kơđi čar hiam klă kơplah wah dua bơnah. Khua dêh čar hok mơ-ak lơm dua bơnah hơmâo pok glông por tơpă nao rai hăng kĭ tơlơi pơkôl lui ngă hră pơ-ar mut nao rai hăng ƀing mơnuih hơmâo hră hộ chiếu laih, mơng anun ngă gêh gal kiăng pơtrut ngă hrŏm bơwih brơi tuai čuă ngui, sĭ mơdrô hăng pơbưp nao rai mơnuih ƀon sang dua bơnah.