Khua dêh čar bơni akŏ bruă group anai tuh pơ alin bruă pơkra apui yua mơ̆ng jua ayuh angin, ia, lŏn mơnai ƀơi Việt Nam, lăi pơsit Việt Nam pơtong rơđah, bruă pơkra apui yua kơnang kơ ayuh angin, jua ia, lŏn mơnai lĕ anŏ hơdjă yom biă mă. Việt Nam hơmâo pơtong glăi rơnoh pơđĭ kyar GDP mơ̆ng 8% thun 2025 hăng dua mrô amăng hơdôm thun pơ anăp, yua anŏ kiăng yua apui jai hrơi lu hloh, laih dơ̆ng pơtrut blơi apui yua hơdjă rơgoh kơ ayuh hyiăng, Khua dêh čar rơkâo Group pơkra apui yua hơdjă tuh pơ alin, sĭ mơdrô ƀơi Việt Nam djru brơi bruă pơblih yua anŏ hơdjă rơgoh kơ ayuh hyiăng kơ lŏn glai, mă yua djuai apui yua rơgoh, apui yua mơ̆ng anŏ pơkra ming glăi; kơsem min, tuh pơ alin pơđĭ kyar glông bruă apui yua, dăng hrĕ apui kơjăp pioh pơhlôm brơi apui yua djop amăng dêh čar.

Tơdơi kơ anun, Khua dêh čar tŭ jum yă Nicola Beer, Kơ-iăng Khua bruă prăk Tuh pơ alin mơ̆ng kual Mi kô̆, Khua dêh čar bơni kơ kual Mi kô̆ hăng sang bruă prăk tuh pơ alin mơ̆ng kual Mi kô̆ hơmâo gum hrŏm, djru Việt Nam thun blan rơgao, amăng anun hơmâo lu kơčăo bruă tuh pơ alin pơblih yua apui lơtrik rơgoh. Kơ-iăng khua sang bruă prăk tuh pơ alin mơ̆ng kual Mi kô̆ tŭ ư hăng boh yom phun pơčrong sai hăng khua dêh čar, lăi pơtong, Việt Nam lĕ anŏ ba gru hlâo pơđĭ kyar mơ̆ lu dêh čar khom hrăm tui.