Khua dêh čar ơi Phạm Minh Chính tŭ jum khua mua kơđi čar San Francisco, California, Mi
Thứ tư, 11:11, 20/09/2023
VOV/Nay Jek pơblang
VOV/Nay Jek pơblang
VOV4.Jarai-Ƀơi San Francisco, Khua dêh čar ơi Phạm Minh Chính tŭ jum khua mua kơđi čar ƀôn prong kual tong wing San Francisco, ala čar California yua yă Sheng Thao, Khua ƀôn prong Oakland ba jơlan hlâo ƀrô tal khua dêh čar nao pơ dêh čar Mi jơnum khua mua pơprong ding kơna sang gum hơbit djop dêh čar tal 78.
Ƀơi mông tŭ jum, Khua dêh čar ơi Phạm Minh Chính pơdah pran jua mơak ƀuh lu bruă mă rơđah, tŭ yua amăng bruă ngă hrŏm Việt Nam hăng Mi lăi hrŏm hăng hơdôm tơring čar, ƀôn prong ƀơi San Francisco hnun mơ̆n. Khua dêh čar lăi, Việt Nam amra čơkă jum hăng tơlơi khăp tơpă pioh kơ mơnuih ƀôn sang dŏ ataih mơ̆ng dêh čar glăi pơ plơi pla pô.
Anai lĕ sa gru grua hiam phara mơ̆ng djuai ania Việt Nam. Khua dêh čar lăi pơtong, bruă kơtưn ngă hrŏm, kah pơpha anŏ tŭ yua, hrŏm hơbit man pơdong laih anun pơđĭ kyar lŏn ia jing hơdră bruă ba glăi boh tŭ yua klă, pok pơhai amăng hơdră ngă hrŏm yôm pơphăn hlom bom Việt Nam hăng Mi laih anun djru hrŏm yôm biă mă pioh kơ dua bơnah pơsir hĭ anŏ răm ƀăm mơ̆ng rơnuk blah ngă.
Viết bình luận