Khua dêh čar ta pơtŏng sit tơhnal lăng mơ̆ng Sang gum hơbit djop dêh čar kah hăng hmâo lăi amăng Phiah phiăn djơ̆ biă hăng jơlan gah pơsit pơđĭ kyar mơ̆ng Việt Nam; pơtŏng sit hăng Việt Nam, Sang gum hơbit djop dêh čar lĕ pô gơyut đăo gơnang, gum hrŏm sui thun; Việt Nam djă pioh na nao tơlơi gum djru yôm phăn mơ̆ng Sang gum hơbit djop dêh čar amăng rơbêh kơ 40 thun rơgao hăng gir run gum hơgôp amăng hơdôm bruă mă mơ̆ng Sang gum hơbit djop dêh čar.

Jê̆ hăng anai hloh, Việt Nam gơgrong ba bruă truh kih pô Ding kơna gum bruă ƀơi Sang gum hơbit djop dêh čar, ngă Kơ-iăng Khua Khul pơ ala Sang gum hơbit djop dêh čar tal 77, đĭ tui tơlơi gum hơgôp khul tơhan amăng bruă wai lăng rơnuk rơnua mơ̆ng Sang gum hơbit djop dêh čar. Kiăng djru pơhlôm hơđong braih pơdai đơ đam rŏng lŏn tơnah, Việt Nam amra sĭ năng ai ñu 7 klăk 500 rơbâo tơn braih amăng thun 2023, hrŏm hăng anun gum hơgôp klă bruă pok pơhai pơčeh phrâo mơ̆ng Khua čih pioh Sang gum hơbit djop dêh čar kơ pơplih bruă braih apiang, gơnam ƀong huă kơjăp phik./.