Ƀrô djơ̆ tal nao pơhmư̆ mông Jơnum gưl dlông BRICS pok prong hăng ngă tui hơdôm bruă dua bơnah ƀơi Brazil, Khua dêh čar ơi Phạm Minh Chính hmâo tŭ jum khua git gai sang bruă Granja Fujikura – blok đang hmua, đang kyâo tui măi mok phrâo ƀơi Brazil gah glông jơlan Granja Fujikura dêh čar Japan. Khua dêh čar ơi Phạm Minh Chính brơi thâo, Việt Nam glăk pơtrut sĭ mơdrô, tuh pơplai hăng Brazil, yua anun bơni hơdôm grŭp, anom bơwih ƀong Brazil pơtrut tơlơi rô nao rai anai pơđĭ kyar.

Khua dêh čar čang rơmang hơdôm bôh anom bơwih ƀong hmâo bôh pơhiăp pơtrut Việt Nam kĭ pơkôl FTA hăng Khul MERCOSUR hăng Tơlơi pơkôl tơnap tap pơgang ba tuh pơplai. Hrŏm hăng anun čang rơmang Sang bruă tô̆ nao rai dong hơdôm anom bơwih ƀong Việt Nam hăng hơdôm bôh anom bơwih ƀong Brazil. Khua dêh čar pơtŏng sit, bruă Sang bruă Fujikura Quail Genetics gum hrŏm hăng Sang bruă Trọng Khôi ba glăi kơmlai kơ dua bơnah yua kơ Sang bruă Trọng Khôi hmâo pran kơtang kơ gen hăng amra pơplih phrâo măi mok rông hlô, pơgi kơdih anai, dua bôh anom bơwih ƀong amra hmâo anih anom pioh sĭ ƀơi wot 2 bôh dêh čar, ba glăi lu kơmlai hloh dong./.