Khua dêh čar ơi Phạm Minh Chính Tŭ jum Khua wai lăng prăk kak Grŭp Samsung
Thứ tư, 09:33, 01/11/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Čơtlăm tom brơi (31/10), tŭ jum ơi Park Hark Kyu, Khua wai lăng prăk kak Grŭp Samsung glăk čuă, mă bruă ƀơi dêh čar Việt Nam, Khua dêh čar ta, ơi Phạm Minh Chính čang rơmang Samsung lăng Việt Nam lĕ anih pơkra rai gơnam, kơsem min – pơđĭ kyar hăng ngă rai gơnam phun ba hyu sĭ pơ̆ dêh čar tač rơngiao.
Khua dêh čar ta, ơi Phạm Minh Chính pơtŏng sit, hăng pran jua “Bôh tŭ yua lăp djơ̆, ƀu bưng gum hrŏm”, Việt Nam đing nao biă, lăng yôm bruă pơplih phrâo anih anom tuh pơplai, pơkôl ngă gal brơi kơ hơdôm bôh anon bơwih ƀong dêh čar tač rơngiao amăng anun hmâo hơdôm bôh anom bơwih ƀong Hàn Quốc hăng Grŭp Samsung mă bruă ngă rai gơnam sĭ mơdrô hơđong, ba glăi bôh tơhnal, sui thun ƀơi Việt Nam.
Pơ̆ anăp anai, Khua dêh čar ta rơkâo Grŭp pok prong dong tuh pơplai amăng hơdôm bruă hmâo anô̆ gal kah hăng hơdră mă yua măi mok yôm, điện tử, chip pơđoh apui; tuh pơplai pơđĭ kyar hloh dong amăng bruă pơplih mrô, đĭ kyar mơtah, bơwih ƀong pơhlôm akô̆ tlôn; djru pơtô pơhrăm mơnuih mă bruă kơjăp kơ Việt Nam./.
Viết bình luận