Khua dêh čar ơi Phạm Minh Chính lăi pơtong, 6 blan akŏ thun 2025, Việt Nam hơmâo ngă lu boh tơhnal tŭ yua klă; tơlơi bơwih ƀong huă amăng dêh čar hơđong, prăk trun nua dưi pơgăn, djop bruă ngă bơkơnar pơhlom rơnoh prăl dong hnưh bruă čar, rơnoh prăk mă yua kông ngăn kơnuk kơna hŭi rơgao hơnơ̆ng lêng kơ hơmâo jŭ yap tong ten, wai lăng djop soh, tơlơi hơdip mơda mơnuih ƀôn sang hơđong.

Việt Nam ngă tui jơlan hơdră pơkă yua prăk kăk beč bal, lir hơbit anŏ tŭ yua tui jơlan hơdră pơplai prăk kăk amăng thun, lăng yom prăk kăk kông ngăn dêh čar, laih dơ̆ng hneč mă rơnoh prăk mơ̆ng tač rơngiao djru ba. Yua kơ anun, bruă mă hăng jar kmar, amăng anun hơmâo sang bruă keh prăk IMF djru ba kơ Việt Nam, pơpŭ pơyom biă mă. Ơi Kenji Okamura lăng yom jơlan hơdră mơ̆ng Việt Nam, laih anun lăi hơbô̆ bruă, rơnoh pơđĭ kyar mơ̆ng Việt Nam ăt kơnang kơ Keh prăk IMF mơn samơ̆ hơmâo lu yak ngă hiam klă sĭ mơdrô hăng tač rơngiao, boh nik ñu hơdôm kơčăo bruă phun. IMF amra djru, pơtrut pơsur Việt Nam đing nao pơđĭ kyar anom bruă čan prăk, pơtrut blơi hrĕ pơčruh ngăn, wai lăng tong ten prăk dong hnưh kiăng ngă bơkơnar plah wah pơđĭ tui anih čan prăk, pơtrut blơi hră pơčruh ngăn, wai lăng ngă bơkơnar tơlơi bơwih ƀong huă hơđong, laih dơ̆ng pơtruh nao rai tơlơi djru mơ̆ng jar kmar brơi kơ Việt Nam.