Khua dêh čar ơi Phạm Minh Chính tŭ jum Kơ-iăng khua dêh čar, Khua ding jum pơtom hiăp Thai Lan
Thứ năm, 15:47, 26/10/2023
VOV/Nay Jek pơblang
VOV/Nay Jek pơblang
VOV4.Jarai-Tlam lơ 25/10, ƀơi Anom bruă Kơnuk kơna, Khua dêh čar ơi Phạm Minh Chính hơmâo tŭ jum Kơ-iăng khua, Khua ding jum pơtom hiăp dêh čar Thai Lan ơi Parnpree Bahiddha Nukara ƀrô tal rai čuă Việt Nam mơ̆ng lơ 25-26/10/2023.
Ƀơi mông tŭ jum, Khua dêh čar ơi Phạm Minh Chính lăng yôm tal čuă jơmư anai, amra djru pơtrut ngă tong ten hloh bruă pơtom hiăp rô nao rai yôm Việt Nam-Thai Lan đĭ nao sa yak phrâo, Khua dêh čar ơi Phạm Minh Chính rơkâo, kơtưn brơi khua mua dua bơnah čuă jơmư nao rai tui plăng tơlơi pơhing mơ̆ng Ping gah, Kơnuk kơna, lŏn ia hăng khua pơ ala mơnuih ƀôn sang dêh čar;
pok pơhai tŭ yua tơlơi phiăn ngă hrŏm dua bơnah, biă mă ñu dua bơnah hur har ngă tui Hră kĭ pơkôl pok pơhai tơlơi rô nao rai dua bơnah kjăp hloh Việt Nam-Thai Lan mơ̆ng thun 2022-2027.
Viết bình luận