Khua dêh čar ơi Phạm Minh Chính hmâo laih mông tŭ jum Đại tướng Vilay Lakhamphong, Ding kơna Ding jum kơđi čar, Kơ-iăng Khua dêh čar, Khua Ding jum kông ang dêh čar Lao hmâo ba jơlan hlâo Grŭp khua pơ ala Ding jum kông ang dêh čar Lao rai čuă, mă bruă ƀơi Việt Nam, pơhmư̆ Jơnum klah čun Kơčăo bruă gum hrom thun 2022 hăng Jơnum dua bơnah gưl Khua Ding jum kơplah wah Ding jum kông ang dua bôh dêh čar Việt Nam hăng Lao kơ gum hrom pơgang pơgăn hot jrao.

Khua dêh čar ơi Phạm Minh Chính tŭ jum Kơ-iăng Khua dêh čar, Khua Ding jum kông ang dêh čar Lao

Amăng mông tŭ jum, Khua dêh čar ta lăi rơđah, dua bôh dêh čar kiăng kơtưn gum hrom hơbit, pơlir hơbit, gum hrom kơjăp, ba glăi bôh tơhnal hloh dong, djru rim dêh čar pơdŏng bruă bơwih ƀong rơngai, gơgrong pô jai hrơi jai prong. Bruă pơgang lŏn ia – rơnuk rơnua plơi pla lĕ sa phun than yôm phăn amăng tơlơi rô nao rai dua bôh dêh čar, Khua dêh čar rơkâo dua bơnah pơtrut dong, ngă tui hloh dong bôh than klă hiam hơdôm hrơi rơgao, kiăng pơgang kơjăp plơi pla lŏn ia, djă pioh hơđong, pơhlôm mơnuih mơnam dua bôh dêh čar, amăng anun hmâo tơlơi hơđong plăng internet, hơđong braih huă, apui yua... amăng djop tơlơi truh, biă ñu amăng mông hmâo lu tơlơi tơnap, tơlơi lông ră anai./.