Ƀơi mông tŭ jum, Khua dêh čar hăng Kơ-iăng khua Jơnum min kual Mi Kô̆ (EC) hok mơ-ak lăng ƀuh amăng hrơi blan rơgao, tơlơi rô nao rai sĭ mơdrô - tuh pơ alin Việt Nam - EU rŭ glăi hăng đĭ kyar klă mah hơmâo klin Covid-19 ngă tơnap, hăng hơmâo tơ̆i dơnuai hĭ anih pơkra ba sĭ gơnam. EU ră anai jing khul ngă hrŏm sĭ mơdrô prong tal 4 (tơdơi kơ dêh čar Khač, Mi, Hàn Quốc), anih ba sĭ gơnam prong tal 3 laih anun jing anih blơi gơnam mơ̆ng Việt Nam lu tal 5. Bơ Việt Nam jing dêh čar sĭ mơdrô prong hloh hăng EU ƀơi ASEAN.

Khua dêh čar pơsit, Việt Nam lăng EU jing gŏp ngă hrŏm đăo kơnang, yôm hloh amăng jơlan hơdră pơtom hiăp. Kiăng pơphun ngă tŭ yua tơlơi ngă hrŏm Việt Nam - EU, Khua dêh čar kiăng dua bơnah bơkơtuai grup khua mua; pơtrut ngă hrŏm bruă pơplih mơtah mơdah, pơplih mrô, bơwih ƀong lok nao lok rai, bơwih ƀong thâo djru nao rai, čih pơkra hăng ngă giong tơlơi phiăn, tơlơi pơkă, pơtô rơguăt mơnuih mă bruă...