Ƀơi mông tŭ jum, dua bơnah tŭ ư hrŏm lĕ, tơlơi rô nao rai dua bơnah ping gah, kơnuk kơna thun blan rơgao pơđĭ kyar hiam klă, biă mă ñu tơdơi kơ tal nao čuă jơmư nao rai tơdruă mơ̆ng khua git gai ping gah. Khua dêh čar ơi Phạm Minh Chính lăi pơtong, ping gah, kơnuk kơna Việt Nam lăng yôm bruă pơtrut tui ngă giăng mah hăng dêh čar Khač, jing sa bruă mă ruah tŭ yôm, đing nao hlâo hloh amăng jơlan hơdră pơtom hiăp mơ̆ng Việt Nam.

Khua dêh čar rơkâo pơ anăp adih, dua bơnah ăt pơtrut ngă hrŏm bưp nao rai khua mua pơprong, djop gưl kiăng pok pơhai ngă tui tơlơi jơnum bưp nao rai ngă hrŏm djop bruă; pơtrut bruă ngă phrâo djơ̆ găl hăng dua bơnah dêh čar. Kơ-iăng khua git gai pơ ala mơnuih ƀôn sang dêh čar Khač ơi Trương Khánh Vĩ lăi, dêh čar Khač ăt lăng yôm bruă mă ngă giăng mah hăng Việt Nam, lăng anai jing jơlan  hơdră đing nao hlâo amăng bruă pơtom hiăp rô nao rai hăng dêh čar ieo gah mơ̆ng dêh čar Khač laih anun pơtrut ngă hrŏm djop mơta bruă, hlom bom, kah pơpha bruă ngă kơñ pơgi plah wah Việt Nam hăng Khač, sa bruă mă tŭ yua yôm ƀu pơdơi ôh pơđĭ kyar prong, đơr hơr, tŭ yua klă pơ anăp anai.