Ƀơi mông tŭ jum, Khua dêh čar lăi, Việt Nam lăng yôm hăng hơmâo jơlan hơdră pơtrut, ngă dơlăm hloh tơlơi giăng mah rô nao rai Việt Nam-Italia; hok mơak ƀuh tơlơi ngă giăng mah dua bơnah dêh čar jai hrơi tong ten hơmâo boh tơhnal tŭ yua klă hiam djop bruă mă.

Tŭ ư hăng hơdôm tơlơi rơkâo mơ̆ng ơi Attilio Fontana, Khua dêh čar rơkâo dua bơnah pơtrut ngă hrŏm bơwih ƀong huă, sĭ mơdrô nao rai dua bơnah tui hăng tơlơi gêh găl, anŏ thâo hơmâo djơ̆ hrŏm laih anun djru nao rai; dêh čar Italia pơtrut bruă pok anih anom sĭ mơdrô lu mơta gơnam tam či kiăng hăng Việt Nam hơmâo tơlơi gêh găl kah hăng gơnam tơčoh eng ao, pơkra tơkhŏ jep hăng klĭ juă, gơnam boh troh đang hmua, mơnong akan hơdang; kơtưn bưp nao rai sang bruă sĭ mơdrô dua bơnah, hneč mă klă Hră pơkôl EVFTA hăng pơtrut ngă tui hră pơkôl pơgang bruă tuh pơ alin Việt Nam-EU ( EVIPA).