Kiăo tui anun, jơnum amra pơphun amăng lơ 20/11/2022, gah yŭ tơlơi git gai mơng Khua dêh čar ơi Phạm Minh Chính. Hăng anăn ñu “Pơđi kyar hơdjă – Djơ̆ nao hrom – Kơjăp phik”, anai lĕ bruă jơnum “3 amăng 1”, dưi pơphun hăng bôh than lăi pơthâo Jơlan hơdră ngă bruă mơng Gong gai dêh čar ngă tui Tơlơi pơtrun pơsit 23 kơ jơlan gah pơđĭ kyar bơwih ƀong – mơnuih mơnam hăng pơhlôm pơgang lŏn ia, rơnuk rơnua plơi pla kual Dăp Kơdư truh thun 2030, tơhnal lăng truh thun 2045.

Hrom hăng anun, pơtrut tuh pơplai, iâu pơthưr tơlơi lăng ba mơng hơdôm mơnuih tuh pơplai, khul bơwih ƀong amăng lŏn ia, jar kơmar, hơdôm bơnah gum hrom pơđĭ kyar amăng bruă gum hrom hăng Gong gai amăng pok pơhai hơdôm jơlan hơdră, rơwang bruă tuh pơplai hmâo bôh tŭ yua yôm phăn hăng pơđĭ kyar bơwih ƀong – mơnuih mơnam mơng kual Dăp Kơdư./.