Lăng yôm, pơpŭ bơni kơ tơlơi mă bruă đĭ tui mơ̆ng mơnuih ƀôn sang Việt Nam ƀơi dêh čar Thổ Nhĩ Kỳ, Khua dêh čar brơi thâo, hơmâo rơkâo laih gah dêh čar Thổ Nhĩ Kỳ ăt ngă gêh găl kơ mơnuih ƀôn sang Việt Nam pơđĭ kyar hrŏm bruă mă ƀơi dêh čar Thổ Nhĩ Kỳ, mut phung gum hrŏm djop bruă mă amăng plơi pla amăng dêh čar anai, ăt kah hăng pơtrut tui bruă ngă pŭ ƀăn giăng mah hăng anăp glăi kơ plơi pla dêh čar, lŏn ia pô.

Khua dêh čar čang rơmang mơnuih ƀôn sang hơđong pran jua, ăt đăo kơnang nao kơ bruă git gai mơ̆ng Ping gah laih anun kơnuk kơna ta; Khua anih jưh pơ ala ƀơi dêh čar Thổ Nhĩ Kỳ djă bong kjăp tơlơi gơgrong ba phun, pơlir hơbit mơnuih ƀôn sang, akŏ pơdong jai hrơi hơđong hăng pơđĭ kyar lŏn ia; jing tơdrông pơtruh nao rai kjăp hơđong kơ bruă ngă giăng mah dua bơnah dêh čar laih anun mơnuih ƀôn sang dua bơnah djă pioh gru grua hiam djuai ania plơi pla; pơtô hrăm ană tơčô thâo kơ phun akha plơi pla dêh čar hăng djă pioh boh pơhiăp djuai ania Việt.