Pơhiăp ƀơi mông bưp, Khua dêh čar Phạm Minh Chính bơni hơ-ơč kơ ƀing nai pơtô amăng mông pơbưp, laih anun mơ-it tơlơi tơña bla pơpŭ bơni abih pran jua hăng djŏp rơnuk nai pơtô ƀơi lŏn ia ta. Ngă tui tơlơi pơtrun jơnum ping gah dêh čar tal 13 hăng Tơlơi pơtrun mrô 29 mơ̆ng Kơnuk kơna, Khua dêh čar kiăng anom bruă pơtô hrăm ngă tui khut khăt hloh, dưm kơnar, tŭ yua djŏp bruă hơmâo jao, hơdră ngă bruă pơplih phrâo mơ̆ng anet truh kơ abih bang bruă pơtô pơjuăt, pơđĭ tui anŏ klă bruă pơtô čơđai amăng djŏp gưl hrăm.

Khua dêh čar čang rơmang hăng đăo kơnang, rim čô nai pơtô amra gir hloh, ba gru hiam kơ tơlơi pơmin pran jua, kơjăp bruă, khăp kơ bruă mă, khăp kơ ană mơnuih; pơđĭ tui tơlơi rơgơi, hơmâo tơlơi pơtô hrăm phrâo; kiăng rim mông hrăm klă hloh, čơđai hor hrăm hloh, kiăng rim hrơi hrăm jing hrơi mơ-ak.