Khua dêh čar Phạm Minh Chính lăi pơtong,  Ping gah, mir sir, kơnuk kơna dêh čar, khua pơ ala mơnuih ƀôn sang hăng mơnuih ƀôn sang Việt Nam lăng yôm, djă pioh hăng gir run ngă kjăp tui hloh bruă rô nao rai giăng mah mơ̆ng đưm, gum pơgôp djuai ania laih anun ngă hrŏm hlom bom plah wah Việt Nam hăng Cuba, jĕ giăm, tong ten djru nao rai amăng bruă mă hơkrŭ kơ tơlơi tơpă hnong mơ̆ng mơnuih ƀôn sang Cuba.

Khua dêh čar lăi, tơlơi pơmin mơ̆ng Việt Nam kjăp sa hnong đôč, hơngah djop bruă guang dar hơjăn ngă kơ dêh čar Cuba. Dua čô khua tŭ ư kơtưn ngă hrŏm, pơtruh nao rai khua mua pơprong, ƀơi mông jơnum lu dêh čar, dua bơnah djru dong yua nao rai klă hiam. Pơtrut bơwih ƀong huă, tuh pơ alin, sĭ mơdrô, amăng anun bruă ngă hrŏm gah bruă ngă hmua, pơhlôm djop mơnong ƀong huă.