Amăng mông bưp, Khua dêh čar Phạm Minh Chính pơsit tong Việt Nam lêng kơ lăng yôm tơlơi gơgrong, kơdrưh mơng dêh čar Đức amăng kual hăng jar kmar. Kiăng pơtrut kơtang ngă hrŏm dua bơnah glăk amăng thun blan hiam glăk, dua čô khua tŭ ư kơtưn pơbưp nao rai djop gưl, sit biă ñu khua mua pơprong; tŏ tui gum hrŏm, dong yua tơdruă amăng mông jơnum pơƀut djop bơnah; tŭ ư kơtưn pơsur anom bơwih ƀong sĭ mơdrô Đức rai tuh pơ alin ƀơi Việt Nam, sit biă ñu lĕ amăng hơdôm bruă mơ̆ dêh čar Đức hơmâo tơlơi gal anun lĕ apui lơtrik, jơlan rơdêh treng, gơnam gah ia jrao,  anih anom.

Dua čô khua tŭ ư pơtrut kơtang ngă hrŏm amăng pơtô pơjuăt, pơđĭ kyar mơnuih mă bruă thâo rơgơi, kơtưn pơjing hơdôm hơdră bruă ngă hrŏm amăng pơtô pơjuăt bruă mă.