Khua dêh čar lăng yôm hơdôm boh than ngă hrŏm kơplah wah tơring čar Aichi, Tochigi, Niigata, Kanagawa hăng Yamanashi hăng hơdôm ding jum, gơnong bruă, ƀon lan ƀơi Việt Nam, kah hăng pran khăp, tơlơi đing nao hăng dong yua mơng Khua mua hrŏm hăng gong gai hơdôm boh tơring čar amăng pơtrut tơlơi rô nao rai ngă hrŏm hăng Việt Nam amăng thun blan laih rơgao; rơkâo khua mua hơdôm boh tơring čar mơng Japan pơtrut tơlơi rô nao rai ngă hrŏm hăng Thái Bình, Khánh Hoà, Hải Dương, Cần Thơ…kiăo tui grup hyu mă bruă mơng Kơnuk kơna tal anai.

Khua dêh čar rơkâo ƀing khua mua hơdôm boh tơring čar kơtưn ƀiă dong bruă ngă hrŏm hăng Việt Nam kiăng tŭ mă tŭ yua hơdôm tơlơi dưi glăk hơmâo hluai tui bruă pơtrut pơbưp nao rai khul grup djop gưl, pơtô mơnuih mă bruă, pơtô pơjuăt ƀơi hơdôm boh tơring čar ƀơi Việt Nam.