Tui hăng jơlan hơdră ngă bruă, Khua dêh car Phạm Minh Chính git gai čơkă Khua dêh čar Lao hăng Bơnai ñu ƀơi Sang bruă Khua mir sir; tơdơi kơ anun 2 čô khua ba jơlan grup khua mua 2 Kơnuk kơna bơkơtuai ƀơi sang jơnum Kơnuk kơna; ƀuh tơlơi kĭ pơkôl ngă hrŏm kơplah wah hơdôm ding jum, anom bruă mơ̆ng dua boh dêh čar. Amăng tal rai čuă anai, khua dêh čar Lao amra hrŏm hăng Khua dêh čar Phạm Minh Chính git gai Jơnum tal 46 Jơnum min pơlir hơbit Kơnuk kơna Việt Nam – Lao.

Khua mir sir Võ Văn Thưởng, Khua git gai pơ ala mơnuih ƀôn sang dêh čar Vương Đình Huệ amra tŭ jum Khua dêh čar Lao Sonexay Siphandone. Tal rai čuă Việt Nam mơ̆ng Khua dêh čar Lao Siphandone hăng Bơnai ñu hơmâo pơphun amăng hrơi mông dua bơnah jai hrơingă hrŏm hăng pơđĭ kyar klă hiam. Tơlơi rô nao rai kơđi čar hơmâo kơjăp tui, đăo kơnang nao rai, yôm phun, pơčrâo brơịơlan ngă hrŏm abih bang mơ̆ng dua boh dêh čar.