Khua dêh čar lăi pơtong, mông jơnum anai kiăng ĕp hơdră pơsir hĭ tơlơi tơnap kơƀah prăk čan pioh pơtrut bơwih ƀong huă, yua kơ anun ƀing ta kiăng pơđing hmư̆ tơlơi pơgôp hiăp mơ̆ng ƀing pô mă bruă pơdjơ̆ nao brơi tong ten, pơđing hmư̆ hăng tơlơi luă gŭ; rơkâo abih bang djru pơhiăp hăng tơlơi tơpă, lăng nao djơ̆ bruă hơmâo sit nik, lăi pơthâo hơdră pơsir tŭ yua hloh, hmao kru, tŭ yua, khom dưm boh tŭ yua dêh čar djuai ania, djop sang bruă prăk, anom bruă sĭ mơdrô yơh yôm hloh, blung hlâo hloh.

Khua dêh čar lăi rơđah, tơlơi pơdjơ̆ nao kơ bruă čan prăk, sang bruă sĭ mơdrô hăng sang bruă bơwih ƀong huă pơkŏn pơdjơ̆ nao tơlơi bơwih ƀong huă ƀơi dêh čar. Tơlơi bơwih ƀong huă pơđĭ kyar lĕ sang bruă prăk hăng anŏ bruă sĭ mơdrô ăt pơđĭ kyar tui mơ̆n laih anun kơđai glăi, sang bruă prăk hăng sang bruă sĭ mơdrô pơđĭ kyar kah lŏn ia dưi pơđĭ kyar. Khua dêh čar lăi pơtong, kiăng hơduah ĕp hơdră pơsir tơlơi tơnap tap hlăk dŏ bưp ră anai, yua kơƀah anŏ či čan prăk, hơmâo prăk aka ƀu dưi tuh pơ alin, khom pơčrong sai tong ten, tơpă, kơđiăng, pơđing hmư̆ hăng tŭ mă tơlơi pơgôp hiăp.