Jơnum hơmâo pơphun lăng nao rai mơng ataih đơ đam dêh čar, anih phun lĕ Ƀirô kơnuk kơna pơlăng nao rai hơdôm ding jum, anom bruă bơkơnar ding jum, anom bruă Kơnuk kơna, Jơnum min mơnuih ƀôn sang hơdôm tơring čar, ƀôn prong. Thun 2023, pơplih yua boh thâo phrâo dêh čar hơmâo pơtrut kơtang tui jơlan gah amăng abih bang mơnuih ƀon sang, djop mơta, ba glăi boh tŭ yua sit nik, pơgôp prong amăng pơđĭ kyar bơwih ƀong huă mơnuih mơnam amăng dêh čar. Thun pơjing anih djă pioh hră pơ-ar dêh čar, ƀing ta hơmâo lu tơlơi yôm amăng akŏ pơjing hăng mơ-it nao rai hră pơ-ar amăng djop anih anom, ngă akŏ phun brơi pơđĭ kyar 3 gong phun anun lĕ Kơnuk kơna phrâo, bơwih ƀong mrô, mơnuih mơnam mrô. Mrô pơplih pơplih phrâo mơng Việt Nam thun 2023 dong  46/132, đĭ 2 mrô pơhmu hăng thun 2022.

Đĭ pơhiăp amăng mông jơnum, Khua dêh čar Phạm Minh Chính pơsit tong, pơplih yua boh thâo phrâo dêh čar thun 2023 hơmâo pơtrut kơtang tui jơlan gah amăng abih bang mơnuih, djop mơta, ba glăi boh tŭ yua sit nik, pơgôp prong amăng pơđĭ kyar bơwih ƀong huă-mơnuih mơnam, hăng 6 boh than dưi ngă phun. Khua dêh čar hruă kjăp bruă mă amăng pơplih yua boh thâo phrâo: Kiăng pơčeh pơplih phrâo, tơlơi pơmĭn kiăng rơđah, gir run prong, kơtang hloh, mă bruă khut khăt hăng hơdră boh thâo ia rơgơi, tŭ yua. Pơđĭ kyar bơwih ƀong yua boh thâo phrâo brơi abih bang, djop mơta samơ̆ đing nao klă ƀiă pơhmu hăng lu./.