Tơdơi kơ hmư̆ hơdôm tơlơi pơgôp hiăp amăng mông jơnum, Khua dêh čar Phạm Minh Chính tŭ yap, pơpŭ bơni hơdôm ding jum, gơnong bruă, gong gai, anom bruă bơdjơ̆ nao hơmâo pơphun ngă tui klă bruă jao amăng hơdôm hrơi čơkă thun phrâo.

Sit biă ñu Khua dêh čar tŭ yap, pơpŭ bơni, lăng yôm hơdôm anom bruă bơdjơ̆ nao amăng djop mơta bruă, pơhlôm brơi rơngai, ngă pô, hơđong guai lŏn ia; pơhlôm hơđong kơđi čar, rơnuk rơnua amăng mơnuih mơnam; pơhlôm brơi tơlơi suaih pral kơ mơnuih ƀôn sang amăng bơyan čơkă thun phrâo; hơdôm anom bruă wai pơgang jum dar brơi kơ lŏn ia brơi bơngač, mơtah, agaih, hiam, rơnuk rơnua; djru brơi klă hloh, tŭ yua tơlơi črâo trun mơng Khul git gai Ping gah, kơnuk kơna pơphun brơi mơnuih ƀôn sang čơkă thun phrâo.