Tơdơi kơ hmư̆ tơlơi pơgôp hiăp, tơlơi klah čun mơng mông jơnum, Khua dêh čar Phạm Minh Chính hơmâo lăi nao rơđah hơdôm boh than dưi ngă amăng bruă git gai hăng tơlơi sit nik amăng bơwih ƀong mơnuih mơnam blan 11 hăng 11 blan, sit biă ñu amăng pơsir hĭ tơnap tap, gun găn, djru brơi mơnuih ƀon sang, anom bơwih ƀong sĭ mơdrô hơkrŭ glăi hăng pơđĭ kyar bơwih ƀong sĭ mơdrô.

Hrŏm hăng anun Khua dêh čar rơkâo pơtrut kơtang bruă jao prăk tuh pơ alin man pơdong, jơlan hơdră hơkrŭ glăi 3 jơlan lan hơdră tui hơnong pơkă dêh čar; pơtrut tañ tŭ yap dưm dăp man pơdong. Kiăng pơgiong bruă kah pha abih tih rơnoh prăk tuh pơ alin man pơdong tui tơlơi pơkă thun 2023 dŏ glăi hlâo lơ 10/12/2023.