Amăng anun, Khua dêh čar kiăng pơtrut tañ brơi prăk tuh pơ alin bruă kơnuk kơna, Jơlan hơdră rŭ pơdong, 3 Jơlan hơdră dêh čar pơtrun, pơƀut pơsir hĭ tơlơi tơnap kơ bruă bơwih ƀong sĭ mơdrô; pơtrut ngă brơi amuñ, iâu pơthưr, mă yua klă hơdôm tơlơi hơmâo, ngă bruă khut khăt, abih bang, dưm kơnar djŏp jơlan hơdră, prăk jia, prăk apah, sĭ mơdrô, tuh pơ alin...hơmâo pơtrun. Biă ñu, Khua dêh čar kiăng pơƀut pơđĭ tui hơdôm bruă mă, biă ñu bruă tuh tia pơkra măi mok.

Pơtrut ngă hmua, biă ñu lĕ mơnŏng ƀong huă, pơdai braih, đĭ kyar măi mok pơkra gơnam mơ̆ng hmua hăng hơdôm mơta gơnam mơ̆ng hmua klă, hơmâo nua pơmă; kiăo tui tơlơi gêh gal ba sĭ gơnam mơ̆ng hmua pơ dêh čar tač rơngiao, pơhlôm rơnuk rơnua braih apiăng dêh čar.