Khua dêh čar Phạm Minh Chính git gai mông čơkă Khua dêh čar Kur Hun Manet
Thứ ba, 08:14, 12/12/2023
VOV/Siu Đoan Pơblang
VOV/Siu Đoan Pơblang
VOV4.Jarai - Mơguah tom brơi (11/12), ƀơi Hà Nội, Khua dêh čar Phạm Minh Chính git gai mông čơkă hăng jơnum bơkơtuai hăng Khua dêh čar Kur Hun Manet glăk rai čuă sit nik Việt Nam dong mơng lơ 11-12/12 tui tơlơi jak iâu mơng Khua dêh čar Phạm Minh Chính.
Tơdơi kơ mông čơkă, dua čô khua hơmâo pơphun jơnum bơkơtuai kơ bruă ngă hrŏm dua bơnah hăng nao lăng mông kĭ hơdôm hră pơkôl ngă hrŏm. Dua čô khua dêh čar lăi pơtong tơlơi yôm amăng bruă ƀu pơdơi tŏ tui gru grua gum pơgôp, pơlir hơbit, djru tơdruă amăng rơnuk blah wai pơklaih rơngai lŏn ia, blah pơrai tơhan pơdjai đut djuai Pol Pot đưm hlâo adih kah hăng pơjing, pơđĭ kyar lŏn ia ră anai.
Tui jơlan hơdră rai čuă sit nik Việt Nam, Khua dêh čar Kur amra hơmâo mông jơnum bơkơtuai, bưp khua mua pơprong Ping gah, Kơnuk kơna Việt Nam kiăng lăng glăi hơdôm boh than ngă hrŏm hăng pơčrông sai kiăng pơtrut tơlơi rô nao rai ngă hrŏm Việt Nam-Kur pơ anăp jai hrơi dơlăm, sit nik, tŭ yua.
Viết bình luận