Mơng sa bôh dêh hmâo mrô tlâ̆o pơgang ƀiă hloh, Việt Nam dưi pơplih laih tơlơi jing sa amăng 6 bôh dêh čar hmâo mrô tlâ̆o vaccine dlông hloh ƀơi rŏng lŏn tơnah. Klah čun mông jơnum, Khua dêh čar ta ơi Phạm Minh Chính lăi rơđah, truh ră anai, ƀing ta dưi wai lăng laih klin ruă Covid-19; pơ ala kơ Kơnuk kơna, Khua dêh čar ta bơni, čih djă pioh hăng pơsit yôm tơlơi gum hơgôp mơng Gơnong bruă pơtom hiăp mă gah bruă pơtom hiăp vaccine, djru klă amăng bruă pơgang, pơgăn klin.

Khua dêh čar lăi rơđah, pơ̆ anăp anai, klin Covid-19 ăt akă pơđut mơn thơ, klin ngă amra dô̆ tơnap dong ƀơi rŏng lŏn tơnah. Ƀing ta ƀu dưi lui raih ôh, gir run pơgăn klin dong, đing nao wai lăng klin ruă Covid-19 hăng hơdôm klin ruă pơkon. Yua anun, ƀing ta khom pơphun bruă pơtom hiăp vaccine dong; dưi blơi vaccine ăt lĕ gơnang kơ pơsur bruă pơtom hiăp. Khua dêh čar ta lăi rơđah, khom pơtrut kơtang pơtô glăi bôh thâo pơkra kiăng gơgrong pô amăng bruă pơkra vaccine./.