Khua dêh čar Phạm Minh Chính jŭ yap glăi hơdôm boh tơhnal bruă ngă phun amăng dêh čar gah bruă čuk pơkra jơlan nao rai thun blan rơgao. Khua dêh čar bơni kơ hơdôm kơčăo bruă hơmâo tuh pơ alin, yua kơ Khul wai lăng kơčăo bruă, djop sang bruă hơmâo tŭ ư tuh pơ alin ngă tui djơ̆ tui hăng bruă jao.

Jao bruă mă rơđah rơđong kơ ding jum, anom bruă, boh nik ñu pơtrut pok pơhai bruă mă čuk pơdăo lŏn sang đang hmua, pơklaih ala lŏn pioh čuk pơkra jơlan hăng pơhlôm djop brơi kơ bruă čuk pơkra jơlan glông nao rai, pơsir djơ̆ hnong tui hăng tơlơi gêh găl; khom pok pơhai bruă mă djơ̆ hrơi blan, rơnoh jao, ba glăi boh tŭ yua, pơhlôm  anŏ hiam tui gru grua hăng rơnuk rơnua hơđong.