Anai jing tal blung a Khua dêh čar Việt Nam nao čuă sit nik dêh čar Thổ Nhĩ Kỳ, čang rơmang hơkrŭ kơjăp tui tơlơi đăo kơnang kơđi čar laih anun hơmâo tơlơi gêh gal phrâo, klă hloh kơ tơlơi ngă hrŏm mơ̆ng Việt Nam hăng Thổ Nhĩ Kỳ amăng abih bang bruă, mơ̆ng tơlơi bơwih ƀong, sĭ mơdrô, tuh pơ alin truh kơ bruă ngă hrŏm phrâo kah hăng pơčeh phrâo, boh thâo ia rơgơi, apui lơtrik. Amăng rơbêh ha hrơi dŏ pơ Thổ Nhĩ Kỳ, khua apăn akŏ Việt Nam amra hơmâo giăm 20 bruă mă, rơngiao kơ bruă bưp khua mua dêh čar Thổ Nhĩ Kỳ jing bruă pơbưp, jơnum anom bơwih ƀong đah mơ̆ng pơtrut ngă hrŏm tuh pơ alin.

Mơguah lơ 29/11 tui mông dêh čar anai, Khua dêh čar Phạm Minh Chính tŭ jum Khua ding jum sĭ mơdrô Thổ Nhĩ Kỳ. Hrơi čơkă sit nik Khua dêh čar Phạm Minh Chính pơphun lơ̆m 10 mông hrơi anun mơn. lơ 30/11, Khua dêh čar Phạm Minh Chính hơmâo mông čơkă hăng mă bruă tom lu khua mua anom bơwih ƀong prong mơ̆ng Thổ Nhĩ Kỳ.