Amăng mông jơnum, Khua dêh čar Phạm Minh Chính pơsit tong Việt Nam lêng kơ lăng yôm hăng čang rơmang kơtưn tơlơi rô nao rai hăng Hungary, dêh čar ngă hrŏm djop mơta blung a mơng Việt Nam ƀơi kual Tong krah ngŏ Mi kô̆. Dua čô khua dêh čar pơlăi nao rai dơlăm hơdôm jơlan gah prong pơ anăp hăng hơdôm hơdră bruă tong ten kiăng hrưn đĭ tơlơi rô nao rai ngă hrŏm djop mơta kơplah wah Việt Nam-Hungary jai prong tui.

Pơlăi nao rai hơdôm bruă amăng kual hăng jar kmar dua bơnah đing nao, dua čô khua dêh čar pơsit tong dong yua pơsir hĭ hơdôm bruă bơrơsua hăng hơdră pơhlôm rơnuk rơnua, lăp djơ̆ hăng tơlơi phiăn jar kmar hăng phiah phiăn mơng Sang gum hơbit djop dêh čar, amăng anun hơmâo bruă ƀu dưi kơsung blah hăng pơhŭi hơget ôh, pơhlôm rơnuk rơnua, hơđong hăng pơđĭ kyar amăng kual kah hăng rŏng lŏn tơnah.