Khua dêh čar Phạm Minh Chính jơnum bơkơtuai kơ ngă hrŏm pơđĭ kyar AI, măi mok ôtô, čip bán dẫn hăng hơdră rô nao rai
Thứ tư, 09:53, 17/01/2024
VOV/Siu Đoan Pơblang
VOV/Siu Đoan Pơblang
VOV4.Jarai - Tơdơi kơ nao truh pơ Davos, Thụy Sỹ, Khua dêh čar Phạm Minh Chính hăng khua mua pơprong mơng Việt Nam hơmâo jơnum bơkơtuai hăng hơdôm anom bơwih ƀong sĭ mơdrô amăng rŏng lŏn tơnah kơ bruă ngă hrŏm pơđĭ kyar AI (boh thâo ia rơgơi), măi mok ôtô, čip bán dẫn hăng hơdră rô nao rai.
Amăng mông jơnum bơkơtuai Khua dêh čar rơkâo hơdôm khul grup, anom bơwih ƀong sĭ mơdrô man pơdong hơdôm anih pơtô pơjuăt, anom kơsem min hăng pơđĭ kyar, pơkra pơjing, pel ĕp glăi čip ƀơi anom bruă pơplih pơčeh phrâo dêh čar (NIC) hăng hơdôm tơhnal lăp djơ̆ mơng Việt Nam; kơtưn ngă hrŏm, jao glăi boh thâo ia rơgơi; djru pơtô mơnuih mă bruă rơgơi hloh, sit biă ñu lĕ ƀing wai lăng, kỹ sư, ƀing rơgơi kơhnâo gah čip bán dẫn; pơlir hơbit, jao brơi hơdôm anom bruă ƀơi Việt Nam pơkra pơjing gơnam mơng čip bán dẫn; sem lăng kơ bruă pơdong sang măi pơkra čip ƀơi Việt Nam. Khua dêh čar lăi pơtong, Việt Nam hơmâo lu tơlơi gal kiăng pơđĭ kyar boh thâo ia rơgơi, mă yua boh thâo măi mok hăng pơplih pơčeh phrâo.
Viết bình luận