Mơguah tom brơi (lơ 29/11, tui mông dêh čar anai), mông čơkă sit nik Khua dêh čar Phạm Minh Chính hơmâo pơphun kơdrưh yôm ƀơi Sang bruă Khua mir sir Thổ Nhĩ Kỳ yua Kơ-iăng khua mir sir Thổ Nhĩ Kỳ Cevdet Zilmaz git gai. Tơdơi kơ anun, Khua dêh čar Phạm Minh Chính hơmâo jơnum hăng Kơ-iăng khua mir sir Thổ Nhĩ Kỳ Cevdet Zilmaz. Ƀơi mông bưp, dua bơnah lăi pơthâo kơ tơlơi bơwih ƀong, kơđi čar, mơnuih mơnam ƀơi rim boh dêh čar hăng bơkơtuai kơ hơdôm bruă ƀơi jar kmar, amăng kual dua bơnah lăp đing nao.

Dua čô khua pơsit tơlơi čang rơmang hăng tơlơi gir pơtrut tui hloh dong tơlơi rô nao rai ngă hrŏm amăng lu bruă kơplah wah Việt Nam - Thổ Nhĩ Kỳ yua kơ tơlơi klă hiam mơ̆ng mơnuih ƀôn sang dua bơnah, yua kơ tơlơi rơngai, hơđong hăng pơđĭ kyar ƀơi dua kual hăng ƀơi rŏng lŏn tơnah. Dua čô khua tŭ ư hơkrŭ kơjăp tui hăng pơtrut hloh tơlơi rô nao rai kơđi čar - pơtom hiăp klă hiam hluai tui bruă pơđĭ tui hloh bruă pơbưp djŏp gưl, biă ñu lĕ grup khua mua prong.