Đĭ pơhiăp amăng mông mă bruă, Khua dêh čar Phạm Minh Chính lăi rơđah jơnum kiăng lăng glăi hơdôm bruă mă mơng Jơnum min hăng hơdôm grup, kông ti phun amăng thun 2023 hăng hơdôm bruă jao, hơdră pok pơhai bơwih ƀong, sĭ mơdrô amăng thun 2024 hăng pơtrut kơtang tuh pơ alin pơđĭ kyar bơwih ƀong huă-mơnuih mơnam. Khua dêh čar lăi rơđah, bruă jao thun 2024 prong ƀiă thun 2023, kiăng pơgiong klă ƀiă dong pơhmu hăng thun 2023.

Hăng čang rơmang amăng thun 2024, hơdôm grup, kông ti phun tuh pơ alin lu ƀiă dong, Khua dêh čar rơkâo ƀing khua mua pơčrông sai, pơgôp hiăp, pơdah boh thâo ia rơgơi mơng khul grup, pơsit tong jơlan gah, hơdră pơsir, bruă jao akŏ phun thun 2024 mơng Jơnum min hăng hơdôm khul grup, kông ti phun amăng pok pơhai pơđĭ kyar bơwih ƀong huă-mơnuih mơnam thun 2024, sit biă ñu lĕ bruă tuh pơ alin pơđĭ kyar.