Amăng jơlan hơdră mă bruă ƀơi tơring čar Vĩnh Long pơhmư̆ mông ngă Lơphet hơdor glăi 100 thun hrơi tơkeng rơgom ơi Võ Văn Kiệt, čơtlăm lơ 23/11, Khua dêh čar Phạm Minh Chính mă bruă hăng Grŭp apăn bruă Ping gah tơring čar Vĩnh Long kơ tơlơi bơwih ƀong – mơnuih mơnam thun 2022, jơlan gah, bruă mă thun 2023. Pơhiăp klah čun mông mă bruă, Khua dêh čar hmâo pơblang laih anô̆ gal prong, hơdôm tơlơi akă dưi ngă, hluai tui anun Khua dêh čar hmâo črâo rơđah tơlơi pơmin črâo ba hăng hơdôm bruă mă, jơlan pơsir pơ̆ anăp anai.

Kiăo tui anun, Khua dêh čar rơkâo, tơring čar Vĩnh Long lăi pơthâo abih dong, pok pơhai ngă tui ba glăi bôh tơhnal Tơlơi pơtrun pơsit Jơnum tal 13 mơng Ping gah; Tơlơi pơtrun pơsit mrô 13 mơng Ping gah dêh čar kơ pơđĭ kyar bơwih ƀong mơnuih mơnam, pơhlôm pơgang lŏn ia, rơnuk rơnua plơi pla kual Lŏn dăo ia krông Cửu Long; Tơlơi pơtrun pơsit 120 mơng Kơnuk kơna kơ pơđĭ kyar kơjăp kual Lŏn dăo ia krông Cửu Long; Tơlơi pơtrun pơsit 120 mơng Kơnuk kơna kơ pơđĭ kyar kơjăp kual Lŏn dăo ia krông Cửu Long ngă juăt hăng pơplih ayuh hyiăng hăng Tơlơi pơtrun pơsit Jơnum Ping gah tơring čar. Mă yua, ngă tui djơ̆ hơdră pơtrun, hơdră bruă mơng Ping gah, Kơnuk kơna hăng tơlơi črâo ba git gai mơng Kơnuk kơna, Khua dêh čar./.