Khua dêh čar Phạm Minh Chính nao čuă amăng jang jar kmar Trà Lĩnh
Thứ ba, 10:47, 02/01/2024
VOV/Siu Đoan Pơblang
VOV/Siu Đoan Pơblang
VOV4.Jarai - Tlam lơ 1/1, amăng jơlan hơdră bruă mă ƀơi tơring čar Cao Bằng, Khua dêh čar Phạm Minh Chính nao lăng, pel ĕp kơ bruă ngă tui bruă pơkra ming amăng jang jar kmar Trà Lĩnh; pơpŭ thun phrâo kơ kông ang, ling tơhan wai pơgang guai, tơhan wai lăng amăng tơring kual Trà Lĩnh glăk mă bruă ƀơi amăng jang jar kmar Trà Lĩnh.
Đĭ pơhiăp ƀơi anai, Khua dêh čar Phạm Minh Chính lăi rơđah, tal nao čuă amăng jang anai kiăng pok pơhai tơlơi pơkôl mơng khua mua dua boh dêh čar Việt Nam-Khač; kông ang, ling tơhan wai pơgang guai, djop ding jum, gơnong bruă, ƀôn lan giăm guai amăng pơjing akŏ bruă, jơlan hơdră, kiăng ngă tui tơlơi pơkôl mơng khua mua; pok pơhai tơl rĭm boh ƀôn lan.
Khua dêh čar rơkâo kiăng wai pơgang kjăp tơlơi rơngai, ngă pô, rơnuk rơnua lŏn ia, pơjing kual giăm guai hơđong, ngă hrŏm hăng pơđĭ kyar; rĭm čô mơnuih ƀôn sang lĕ sa gong wai pơgang guai; anăm brơi bơrơsua, ngă sat hơget ôh.
Viết bình luận