Prap čơkă thun phrâo tui phiăn juăt, amăng hrơi mông rơgao, kual bơwih ƀong Nghi Sơn hăng hơdôm sang măi tuh tia pơkra ming hơmâo ƀơk gơnam brơi mơnuih mă bruă hăng rơbêh 7.300 anung gơnam hăng abih tih nua ñu 4,5 klai prăk. Đĭ pơhiăp ƀơi anai, Khua dêh čar Phạm Minh Chính mơ-it nao abih bang mơnuih apăn bruă, ƀing kông ñơn, mơnuih mă bruă tơlơi tơña bla hăng pơpŭ hiam klă hloh. Khua dêh čar pơsit tong, hăng tơlơi pơmĭn ană mơnuih lĕ phun, kiăng bơwih brơi, pơtrut pơsur pơđĭ kyar.

Ping gah, Kơnuk kơna lêng kơ đing nao bơwih brơi tết kơ mơnuih ƀôn sang kiăng tơlơi hơdip jai hrơi trơi pơđao, yâo mơ-ak. Khua dêh čar čang rơmang ƀing mơnuih ƀun rin, giăm ƀun rin kiăng tŏ tui pran gơgrong mă pô hăng hrưn đĭ pơklaih mơng ƀun rin hơđong kjăp. Adơi ayong kông ñơn, mơnuih mă bruă gir run găn rơgao tơnap tap, hơđong tơlơi hơdip mơda.