Khua dêh čar Phạm Minh Chính pơdah pran jua hning rơngôt hrŏm sang anŏ ƀơi anăp kơ tơlơi rơngiă rơngiom tañ đơi mơ̆ng Khua hơđăp dêh čar Japan, ơi Abe Shinzo, sa čô gơyut prong, jĕ giăm biă mă hăng kơnuk kơna laih anun mơnuih ƀôn sang Việt Nam. Khua dêh čar Phạm Minh Chính lăng yôm bruă mă ngă giăng mah Việt Nam-Japan hlăk rơnuk Khua dêh čar ơi Abe git gai, hơmâo ba glăi lu yak bruă phrâo, boh tơhnal pơđĭ kyar kơtang biă mă lơ̆m dua bơnah dêh čar ngă hrŏm hlom bom hăng dơlăm hloh yua kơ tơlơi rơnua mơak klă ƀơi kual ASIA thun 2014, khul mơnuih ƀôn sang Việt Nam ƀơi dêh čar Japan đĭ tui lu, truh 400 rơbâo čô.

Yă Akie Abe, bơnai rơgom ơi Abe bơni hăng pơpŭ kơ tơlơi juh alum prong mơ̆ng Khua dêh čar Việt Nam, Phạm Minh Chính hơdor glăi kơ khua dêh čar hơđăp Japan Abe Shinzo; lăi ăt amra ngă tui tơlơi kiăng  mơ̆ng rơgom ơi Abe pơkjăp tui tơlơi ngă hrŏm giăng mah mơak klă Việt Nam-Japan.