Sang hră gưl prong man pơdong Bucharest (UTCB) lĕ sang hră prong hloh, đăo gơnang hăng anai lĕ sang hră gưl prong dêh čar Romania đing nao pơgiong bruă pơtô pơjuăt tui boh thâo mơnuih mơnam.

Đĭ pơhiăp ƀơi anăp khua mua hăng ƀing apăn bruă, ƀing rơgơi kơhnâo, nai pơtô amăng sang hră, Khua dêh čar Phạm Minh Chính lăng glăi 75 thun tơlơi rô nao rai Việt Nam-Romania, pơsit tong, Việt Nam lêng kơ lăng yôm tơlơi rô nao rai giang mah hăng ngă hrŏm hiam klă hăng Romania; čang rơmang amăng bruă pơtô pơjuăt, sang hră tŏ tui tơlơi gơgrong lĕ anih pơtô pơjuăt prong hloh mơng dêh čar Romania amăng pơtrut kơtang tơlơi rô nao rai ngă hrŏm amăng pơtô hrăm, kơsem min boh thâo măi mok, sit biă ƀu amăng hơdôm bruă hơmâo tơlơi gal mơng sang hră hăng hơdôm boh sang hră gum hrŏm ƀơi Việt Nam; pơgôp pơtrut ƀiă dong tơlơi rô nao rai ngă hrŏm dua bơnah.