Pơhiăp amăng mông jơnum, Khua dêh čar Phạm Minh Chính lăi pơtong, anom bruă ngă hmua khom gum pơgôp nao rai, gir run hloh, khut khăt ngă bruă kiăng bong glăi hmar tơlơi pơblih, đah mơ̆ng ba glăi boh tŭ yua amăng rơnuk phrâo; pơsir, găn rơgao hơdôm tơlơi tơnap tap, lông lăng, hneč mă mông gêh găl kơ anom bruă ngă hmua;prăp lui hlâo, mut phung hlom bom hăng jar kmar laih anun ba glăi boh tŭ yua hiam klă. Ngă tui truh kih tơhnal pơkă amăng thun 2024 rơnoh pơđĭ kyar mơ̆ng 3,5-4%.

Khua dêh čar Phạm Minh Chính đăo kơnang hăng gru grua bruă mă thâo pơblih na nao, pơčeh phrâo, pơsit khut khăt mơ̆ng Gơnong dlông truh pơ tơring čar, anom bruă ngă hmua, kiăng ngă truh kih tơhnal pơkă, dưi ngaw amăng thun 2024 pơ anăp lu hloh kơ thun 2023; mơnuih ngă hmua amra ƀrư̆ hrơi pơdrong sah tui, thâo rơgơi hloh; plơi pla jai hrơi phrâo hiam, kơdrưh ang, jĕ giăm hiam rô̆ hăng lăp dŏ hơdip mơda, djru hrŏm man pơdong lŏn ia ta ƀrư̆ hrơi kơtang laih anun hiam mơak.