Nao jơnum hrŏm amra pơƀuh ƀô̆ mơta lăng nao rai amăng tivi hăng ƀơi anăp hăng djop khua mua ding jum, anom bruă ƀơi gơnong dlông, khua mua 63 boh tơring čar, ƀon prong, sang bruă bơwih ƀong sĭ mơdrô, group ngă bruă mơdrô pơprong, khua mua anom bruă pơtom hiăp, ƀing khua anih jưh pơ ala, khua anom bruă pơ ala mơ̆ng Việt Nam ƀơi dêh čar tač rơngiao.

Tui hăng khua ding jum pơtom hiăp Bùi Thanh Sơn, pơtô lăi brơi djă kjăp tơlơi pơtrun mơ̆ng Jơnum ruah khua ping gah dêh čar tal XIII pơtrun kơ bruă “Akŏ pơdong atur ngă bruă pơtom hiăp bơwih ƀong huă, bơwih brơi pơđĭ kyar lŏn ia lăng kơ mơnuih ƀôn sang, plơi pla hăng anom bruă sĭ mơdrô ngă gong jơlan phun anăp nao”, gah yŭ kơ tơlơi git gai tong ten mơ̆ng Ding jum kơđi čar, Khul apăn bruă khua mua git gai ping gah, tơlơi git gai phun hăng na nao lĕ Khua dêh čar kơnuk kơna hăng hơdôm čô kơ-iăng khua dêh čar, bruă mă pơtom hiăp bơwih ƀong huă hơmâo hơdôm boh tơhnal pơđĭ kyar phrâo tui hơdră hlom bom, tŭ yua hăng klă hiam hloh.