Anai lĕ tal nao mă bruă yôm biă mă, hơmâo tơlơi tŭ yua yôm pơphăn mơ̆ng Khua dêh čar, lơ̆m hrơi mông phara biă mă: Việt Nam-Japan phrâo pơđĭ hnong ngă giăng mah jing bơnah ngă hrŏm yôm hloh hlom bom đơr hơr yua tơlơi rơnuk rơnua hăng tơlơi mơak klă hing ang ƀơi kual ASIA laih anun ƀơi rŏng lŏn tơnah ƀrô tal nao čuă jơmư dêh čar Japan mơ̆ng Khua mir sir Võ Văn Thưởng blan 11 phrâo rơgao; laih dơ̆ng ASEAN-Japan ăt sit nik pơphun bruă ngă pŭ ƀăn hlom bom (CSP) ƀơi mông jơnum prong khua mua ASEAN-Japan tal 26 či dêh čar Indonesia blan 9/2023.

Sa tơlơi djơ̆ hrŏm hloh dơ̆ng lĕ, wơ̆t Việt Nam hăng ASEAN lêng kơ akŏ pơjing bruă ngă giăng mah hăng dêh čar Japan, amra pơtong glăi bruă mă amăng 50 thun rơgao, mơ̆ng anun pơdah thâo bruă mă lăng nao pơ anăp adih laih anun pơkă anăp pơđĭ kyar bruă ngă pŭ ƀăn rơnuk phrâo. Laih  dơ̆ng, jơnum anai amra pơsit hĭ dua pok hră pơtrun hơmâo: “Pôr pơthâo bruă lăng nao ngă giăng mah hăng ngă hrŏm ASEAN-Japan: Bơnah ngă hrŏm đăo kơnang” hăng “Akŏ bruă pơđĭ kyar pok pơhai tơlơi pôr  lăng nao kơ bruă ngă giăng mah pŭ ƀăn hăng ngă hrŏm ASEAN-Japan: Bơnah ngă hrŏm đăo kơnang”; kiăng ngă rơđah hloh boh tơhnal hơmâo pơčrong sai nao rai mơ̆ng ƀing khua mua pơprong ƀơi mông jơnum.