Tlam mơmŏt lơ ½, ƀơi Hà Nội, Khua dêh čar Phạm Minh Chính nao jơnum  hrŏm jao pri hră pơhing rup Tơmut mơnek kơñĭ tal VIII thun 2023. Hơmâo 72 mơta tơlơi pơhing tŭ yua hloh, khul čom puang ruah mă pioh apah bơni, pơ ala brơi 2.216 mơta tơlơi pơhing ba pơplông, pơtum tơlơi pơmin, ia rơgơi, pran jua khin hơtai hăng hyu ĕp tơlơi pơhing, mă bruă thâo pơčeh phrâo hăng tơlơi pơmin kơđi čar kjăp, hmar, khăp kơ bruă mă laih anun tơlơi glăm ba hăng mơnuih mơnam, hăng tơlơi khăp kơ plơi pla dêh čar mơ̆ng ƀing čih tơlơi pơhing.Pơhiăp ƀơi mông jơnum, Khua dêh čar Phạm Minh Chính bơni hơ-ơč kơ Khul čom puang apah bơni pri pơ anăn rup Tơmut mơnek kơñĭ tal VIII thun 2023 hăng bơni kơ rim čô, khul grup ƀing čih tơlơi pơhing ba pơplông mă pri hră pơhing phrâo thun anai.

Hăng anăp kiăng ngă “mă anŏ hiam, lui anŏ sat”, “mă bruă klă pơtrut lui hĭ bruă ngă ƀu klă”, Khua dêh čar ta rơkâo djop anom bruă ping gah, khua mua git gai ping gah djop gưl, pơtum git gai, pơčrâo trun, ngă gêh găl kơ djop sang bruă čih tơlơi pơhing, khul grup čih tơlơi pơhing hyu mă bruă pơtô lăi, pơdah thâo rơnoh yôm tơlơi pơtô djơ̆, pran jua tơlơi pơmin pơblih phrâo mơ̆ng Ping gah hăng khut khăt ngă bruă akŏ pơdong ping gah tơpă, rơgoh, kjăp kơtang. Kơtưn hloh ĕp tơlơi hơmâo čih tơlơi pơhing kơ gru grua ba jơlan hlâo amăng bruă mă, mơnuih klă, bruă hiam ƀing hur har hloh.