Khua dêh čar Phạm Minh Chính nao pơhmư̆ mông Jơnum bơni kơ ƀing tha bơwih ƀong rơgơi đơ đam dêh čar tal 4, rơwang thun 2018-2023
Thứ sáu, 09:25, 17/11/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Mơguah lơ 16/11, ƀơi Hà Nội, Khua dêh čar Phạm Minh Chính pơhmư̆ mông Jơnum pơpŭ bơni kơ ƀing tha rơma bơwih ƀong rơgơi đơ đam dêh čar tal 4, rơwang thun 2018-2023 hăng tơlơi kiăng ngă “Pơtrut tui tơlơi gơgrong bruă mơ̆ng ƀing tha bơwih ƀong rơgơi, gir pơplih phrâo mrô, pơplih phrâo mơtah, djru akŏ pơdong lŏn ia pơdrong sah, yâo mơ-ak.
Ƀơi mông jơnum anai, Anom pơphun bruă hơmâo pơpŭ kơ 273 čô mơnuih rơgơi hơmâo ruah ƀơi mông jơnum pơpŭ bơni kơ ƀing tha bơwih ƀong rơgơi rơwang thun 2018-2023 ƀơi 63 boh tơring čar, ƀôn prong amăng dêh čar. Anai jing ƀing tha bơwih ƀong rơgơi, ƀu kơnong ngă pơdrong kơ pô, kơ sang anŏ đôč ôh mơ̆ ăt djru ba lu mơnuih hơmâo bruă mă, hơmâo jơlan bơwih ƀong, djru pơđĭ kyar bơwih bong huă amăng plơi wơ̆t hăng bang hyu bruă ngă klă hiam ƀơi đơ đam dêh čar.
Ƀơi mông jơnum, Khua dêh čar Phạm Minh Chính lăi, hơdôm tơlơi gir run hăng tơlơi hơmâo ngă mơ̆ng ƀing tha ƀơi dêh čar djru yôm biă mă, ba lŏn ia ta găn rơgao tơnap tap, lông lăng, kiăng lŏn ia ta pơdrong sah, hơmâo tơlơi gêh gal, kơdrưh kơ-ang ƀơi jar kmar tui ră anai.
Viết bình luận